Alavabuseko 5. linea Vitoria-Gasteiz/Alegria-Dulantzi/Araia
Arabako Foru Aldundiak maiatzaren 4an sartuko du Agurain eta Gasteiz arteko ibilbidea, bi noranzkoetan, Alavabus Vitoria-Gasteiz/Alegría-Dulantzi/Araiaren 5. linean, Agurainen eta Arabako Lautadan bizi diren arabarren garraio publikoaren zerbitzua hobetzeko helburuarekin. Eguneko bidaien kopurua noranzko bakoitzeko 17ra arte igoko da lanegunetan eta 10/11 noranzko bakoitzeko asteburuetan. DESKARGATU HEMEN ORDUTEGIAK
Maiztasuna handitzeaz gain, Agurain eta Gasteiz arteko konexioan zuzeneko bi espedizio egingo dira goizeko 8ak eta 9ak baino lehen Arabako hiriburura iristeko eta, horrela, Agurainen eta Arabako Lautadan bizi diren pertsonen mugikortasun-beharrei erantzuteko. Alegria, Araia, Burgelu eta Zalduondo herriei ere zerbitzu eta maiztasun erregularragoak gehituko zaizkie.
Zerbitzu honen erabiltzaileek txartelak BAT, BARIK eta MUGI txartelekin ordaindu ahal izango dituzte eta, horrela, txartelen bidez deskontuak eskuratu ahal izango dituzte. Txartel horien bidez Alavabuseko lineetako bidaiariei aplikatu ohi zaien deskontua % 20koa da txartel arruntaren prezioaren gainean, baina aurtengo lehen seihilekoan ezohiko moduan % 50eko murrizketa gehigarria aplikatzen da. BAT txartela oraindik ez duten pertsonek esteka honetan agertzen den informazioaren arabera eros dezakete:
Gogorarazi nahi dizuegu Agurain eta Gasteiz arteko bidea egiten duen enpresak gaur egun merkaturatzen dituen bonuak ezin izango direla maiatzaren 4tik aurrera erabili 5. linean.
Informazio eguneratua www.alavabus.eus webgunean.
